Onte se passa ?
L'illa
de Lampedusa ò Lampedosa (italian : isola di Lampedusa,
sicilian : isua
Lengas
parladas :
Italian :
Isola di Lampedusa.
Sicilian :
Isula di Lampidusa.
Illa
italiana, poblada de 6000 estatjants, situida entre Illa de Malte e
Tunisia. Es de l'arquipèu dei Pelatges, que compren, en mai de
Lampedusa, leis illòts
pichonets de Linosa e de Lampiona.
Qu'es aquò coma filme ?
Benvenutti
Es
un filme de cinquanta quatre minutas, de dos mila dètz e sèt.
Es
estat realizat per Laure
Auriole
(França) e Annalisa Lendaro (Italia).
Es
estat produsit per CNRS Imatges (França)
Lampedusa,
un calhau de vint quilomètres, es una dei frontièras d'Euròpa. Una
illa famosa coneguda per èstre la destinacion d'un milierat
d'estrangiers que fugisson guèrras e misèria, e que, cada an, se
riscan la vida en traversant la Miegterrana. Frontièra per leis uns,
paradís
per la toristalha : seis aigas bluas bluas, son inchalença ne'n
fan una destinacion toristica fòrça presada.
La
vida sus l'illa se dèu de contunhar.
Dins
aqueu filme, leis estajants e sei visitaires se fisan e se meton en
scèna, se desvelon e se mascan. A mieg-mòt ò francament, menan
l'espectator a descubrir Lampedusa dau dedins. Naufragis e camps de
retencion, dolce vita e pesca tradicionala.
Viatge
au còr d'una illa militarizada e tras que polida, teatre e
espectatritz d'una dei tragedias dau sègle nòstre.
Laure
Auriole es nascuda en mila-nòu-cent-uechanta-un
Es
diplomada en antropologia (estudis africans) e en letras germanicas
de l'universitat Johannes Gutenberg de Mayence en Alemanha. Promier
s'es investida dins lo jornalisme d'Euròpa e en Africa, abans de
s'especializar dins la realizacion de filmes documentaris, sa
desmarcha cinematografica, se situís
au rescòntre dei sciéncias socialas, de l'art e de la cultura. En
dos mila dotze realizèt un filmonet en fin d'estudis, Memòrias,
sus
la memòria dau passat negrier de la vila de Bordèu. Benvenutti
es
son promier lòng-metratge documentari.
Annalisa
Lendaro fa la cercaira au CNRS en sociologia politica.
Òbra
sus la migracion e lei pòbles. Vist
l'actualitat politica e migratòria, s'orientèt devers la produccion
d'un saber qu'assaja de despartimentar la cèrca scientifica per
permetre lo debat dins e fòra l'universitat. Son CV se constituís
mai que mai de publicacions e de comunicacions a de congrés e de
jornadas d'estudi. Benvenutti
es
son promier filme documentari.
Aucun commentaire:
Enregistrer un commentaire