lundi 10 septembre 2018

Provençau: presentacion de Gurs, istòria e memòria


Gurs, istòria e memòria de Victoria SAENZ GIMENEZ (Espanha, 2018, 56 minutas)
Gurs es mai qu’un luòc. Situit en França pròche d’Oloron-Santa-Maria, dins lei Bassei Pirenèias (ara Pirenèias-Atlanticas), aqueu camp de refugiats es estat bastit per aubergar lei personas fugissent Espanha (Republicans espanhòus, combatents dei Brigadas internacionalas) après la prèsa dau poder dau Generau Franco. Serà convertit puei en camp d’internament. Lo film « Gurs, istòri e memòria » documenta d’un biais esmovent l’istòria orala d’aquelei que passèron per aquel endrech, porgís una coneissença a quau patiguèt de la brutalitat, e nos sona per oblidar pas.
Lexic :
Lo refugiat, la refugiada, lei refugiats.
Aubergar : faire venir de gents au sieu e partejar son ostau.
Quau es Franco ?
Francisco Franco Bahamonde, nascut lo 4 de decembre de 1892 a Ferrol e mòrt lo 20 de novembre 1975 a Madrid, es un militar e un òme d’estat espanhòu.  Durent la guèrra d’Espanha, se fa cap dau camp nacionalista que ganha la victòria sus lei republicans. De 1939 fins a 1975, baileja un regime politic dictatoriau (estat franquista) ambe lo títol de Caudillo (cap ò guida) : « Generalísimo Francisco Franco, Caudillo de España por la Gracia de Dios ».

Aucun commentaire:

Enregistrer un commentaire